మన్యం న్యూస్, అక్టోబర్ 13 వాజేడు. :
గత కొద్దీ కాలంగా సమ్మె చేస్తున్న గ్రామ రెవిన్యూ సహాయకులు తమ డిమాండ్ల సాధనపై రాష్ట్ర ప్రభుత్వ ప్రధాన కార్యదర్శి సోమేశ్ కుమార్ తో నేడు బీఆర్ కేఆర్ భవన్ లో సమావేశమయ్యారు. సీసీఎల్ ఏ డైరెక్టర్ రజత్ కుమార్ సైనీ సమక్షంలో జరిగిన ఈ చర్చలకు వీఆర్ఏ ప్రతినిధులు పాల్గొన్నారు.
ఈ సందర్బంగా సి.ఎస్ సోమేశ్ కుమార్ మాట్లాడుతూ, వీఆర్ఏ ల డిమాండ్లపై ప్రభుత్వం సానుభూతితో ఉందని స్పష్టం చేశారు. ప్రస్తుతం అమలులో ఉన్న ఎన్నికల ప్రవర్తనా నియమావళి ఎత్తి వేయగానే వారి డిమాండ్లను పరిష్కరించేందుకు చర్యలు చేపట్టడం జరుగుతుందని అన్నారు.
ఈ సందర్బంగా వీఆర్ఏ లు పలు డిమాండ్లను సి.ఎస్ కు విన్నవించారు. పే స్కేల్ వర్తింపు, సర్వీస్ నిబంధనలు, ప్రమోషన్లు, సమ్మే కాలానికి వేతనం ఇప్పించడం, కేసులు ఎత్తివేయడం, సమ్మె కాలాన్నిప్రత్యేక సెలవుదినంగా ప్రకటించడం. సమ్మెకాలంలో మరణించిన వీఆర్ఏ ల కుటుంబాలకు పరిహారం చెల్లింపు, వారసులకు ఉద్యోగాలు ఇవ్వడం తదితర డిమాండ్లను తెలిపారు. ఇట్టి సమస్యలపై తెలంగాణ రాష్ట్ర ప్రధాన కార్యదర్శి సోమేశ్ కుమార్ స్పష్టమైనహామీ ఇవ్వడంతో రాష్ట్ర విఆర్ఏ జేఏసీ నిర్ణయం మేరకు ఈ సమ్మెను విరమించి మండల వీఆర్ఏలు అందరూ విధుల్లో చేరారు. ఈ కార్యక్రమానికి వాజేడు మండల వీఆర్ఏల అధ్యక్షులు కుందమల్ల సురేష్, తాటి బాలకృష్ణ, కుందమల్ల నాగరాజు, జాడీ మల్లయ్య, వేల్పుల ఉదయ, కావేరి బాలచంద్రమూర్తి ,లక్ష్మి తదితరులు పాల్గొన్నారు.
Post A Comment: