నూతన సీసీ రోడ్ కు శంకుస్థాపన చేసిన ఎంపీపీ.

 మన్యంటీవి, అశ్వారావుపేట:భద్రాద్రి కొత్తగూడెం జిల్లా, అశ్వారావుపేట మండలం, వేదాంతపురం గ్రామ పంచాయతీ లో నూతనంగా నిర్మిస్తున్న సీసీ రోడ్లను శంకుస్థాపన చేసిన అశ్వారావుపేట మండల ప్రజా పరిషత్ అధ్యక్షులు జల్లిపల్లి శ్రీరామమూర్తి. ఈ కార్యక్రమంలో ఆయన మాట్లాడుతూ అశ్వారావుపేట నియోజక వర్గ ఎమ్మెల్యే మెచ్చా నాగేశ్వర రావు ఆదేశాల మేరకు సుమారు 7 లక్షలు వ్యయంతో ఎన్ఆర్జీఎస్ నిధులతో సీసీ రోడ్లను నిర్మించనున్నారని తెలిపారు. అలాగే ఎన్ఆర్జీఎస్ వర్కులలో మొత్తం మండలంలో 1.25 లక్షలు వ్యయంతో 17 పంచాయతీలలో 19 సీసీ రోడ్లను ఎమ్మెల్యే మెచ్చా చొరవతో నిర్మించనున్నారని ఈ సంధర్బంగా అయన తెలిపారు. ఈ కార్యక్రమంలో ఆయన తో పాటు వేదాంతపురం గ్రామ సర్పంచ్ సోమిని శివశంకర్ ప్రసాద్, ఎంపిటిసి రామకృష్ణ, ఉప సర్పంచ్ శ్రీ కాళహస్తి, మండల నాయకులు మందపాటి మోహన్ రెడ్డి, వేంకటేశ్వర రావు, వార్డు మెంబర్లు, పార్టీ కార్యకర్తలు, గ్రామస్తులు తదితరులు పాల్గొన్నారు.