మన్యం మనుగడ వెబ్ డెస్క్:
గుంటూరు: గుంటూరులో ఓ మహిళ కట్టుకున్న భర్తను నడిరోడ్డుపై నిలబెట్టేసిన ఘటన చోటుచేసుకుంది. దీంతో బాధితుడు పోలీసుల ఎదుట తన బాధ చెప్పుకున్నారు._
_అతడు బాగా డబ్బున్న వ్యాపారి.. ఆమె ప్రభుత్వ ఉద్యోగిని..!_
_వయసులో ఉండగా ఇద్దరూ ప్రేమించుకున్నారు.. పెళ్లి కూడా చేసుకున్నారు. వీరి ప్రేమ పెళ్లికి గుర్తుగా ఓ పాప జన్మించింది. కొన్నేళ్ల పాటు వీరి కాపురం అన్యోన్యంగానే సాగింది. ఇన్‌కమ్ ట్యాక్స్ కట్టే స్థాయిలో అతడు సంపాదించే వాడు. ఈ నేపథ్యంలోనే ఆమె భర్తను ష్యూరిటీగా పెట్టి తన తమ్ముడికి రూ. 48 లక్షల రుణం ఇప్పించింది._
_అంతా బాగానే సాగుతుందని అనుకుంటున్న సమయంలో.. విధి వెక్కిరించింది. అతడికి పక్షవాతం వచ్చింది. ఎలాంటి పనులు చేయలేని పరిస్థితికి అతడు చేరుకున్నాడు. ఇలాంటి క్లిష్ట పరిస్థితుల్లో, అండగా నిలవాల్సిన భార్య తన వక్రబుద్ధి బయటపెట్టింది. మంచంపై ఉన్న భర్తను వదిలేసి, మరొక వ్యక్తితో సంబంధం పెట్టుకుని కూతుర్ని తీసుకుని వెళ్లిపోయింది. దీంతో ఆయన ఒంటరివాడయ్యారు. ఈ క్రమంలోనే భార్య చేసిన మోసంపై అతడు పోలీసులకు ఫిర్యాదు చేశాడు._
_ప్రేమించి పెళ్లి చేసుకున్న భార్య అనారోగ్యంతో ఉన్న తనని కాదని మొహం చాటేసి వెళ్లిపోయిందని గుంటూరుకు చెందిన బాధితుడు సోమవారం అర్బన్‌ స్పందనలో ఫిర్యాదు చేశాడు. ఆమె తన వెంట తీసుకెళ్లిన తన కుమార్తెను అప్పగించాలని కోరాడు. తనను వదిలేసి వెళ్లిపోయిన భార్య తనకు అక్కర్లేదని.. కూతురు మాత్రం తన వద్దకు వచ్చేలా చూడాలని వేడుకున్నాడు.
బాధితుడు తెలిపిన వివరాల ప్రకారం.._
_2001లో ఓ ఫైనాన్స్‌ కన్సల్టెంట్‌ కంపెనీ పెట్టి వ్యాపారం చేశాను.ఆ సమయంలో ఓ మహిళ పరిచయమై ప్రేమించి పెళ్లి చేసుకుంది. మాకు ఓ పాప జన్మించింది. నేను ఆదాయపు పన్ను చెల్లింపుదారుడిని కావడంతో వాటి ఆధారంగా ఆమె తన తమ్ముడికి ఓ బ్యాంకులో రూ. 48 లక్షలు రుణం ఇప్పించింది. కానీ, ఆ డబ్బు తిరిగి చెల్లించలేదు._
_2013లో నాకు పక్షవాతం వచ్చింది. దీంతో ఏ వ్యాపారం చేయలేకపోయాను. నా భార్య ఓ ప్రభుత్వశాఖలో పని చేస్తోంది. 2016లో వేరే వ్యక్తితో సన్నిహితంగా ఉంటూ నా కుమార్తెను తీసుకొని వెళ్లిపోయింది. నన్ను చూసుకోవటానికి నా అన్నవాళ్లు ఎవరూ లేరు. ఒంటరి జీవితాన్ని అనుభవిస్తున్న నాకు ఇప్పుడు ఆత్మహత్య చేసుకోవాలని ఉంది. భార్యతో విడాకులు ఇప్పించి నా కుమార్తెను ఇప్పించాలని పోలీసులను కోరాను.’ అని పేర్కొన్నారు. దీంతో బాధితుడి ఫిర్యాదుపై అధికారులు విచారణకు ఆదేశించారు...!!_
Post A Comment: